تغريدات حول الاستحقاق

الاستحقاق 

قبل ما تسول راسك منين غاتبدا؟سول لفين غادي او لاش بغيتي توصل؟

منين غاتعرف اش بغيتي غاتوضح لك الطريق.

خذ ورقة وقلم و اكتب:اش بغيت | اش مابغيت

صعيب عليك تعرف😢 خذ مثال😉

انت مابغيتيش الفقر.. بغيتي الغنى

مابغيتيش تعيش فالخوف..بغيتي تعيش فالحب

مابغيتيش المرض..بغيتي الصحة...

و الي بغيتيه سول راسك ديما علاش و كيفاش" ماذا ولماذا"حتى توصل للنية الداخلية و الوضوح

عاود قرا اش كتبتي وسول راسك واش فعلا هادشي الي بغيتي

دبا عرفتي اش بغيتي ولكن كاتبان لك معيقات (معتقدات،مشاعر،ذكريات،ناس..الخ يخصك تتحرر..كما قلت قبل انه الاشخاص تتحرر منهم بالتسامح.

ونت كاتقلب على المعيقات لقيتي انه عندك تدمير ذاتي(كاتحقر راسك) كاتقول انك غير مؤهل ..غالبا من برمجة من الصغر او الشعور بالذنب..

مثال:فالصغر كايتقال لك انا مخاصم معك وما كاتستاهلش تخرج لبرا..

او

كل براد عارف قياسه..كاتعلق فين تفلق واش نسيتي شكون انت😡

‏ او شعور الذنب..كلنا صغار سمعنا ..كل و كمل و الا الملائكة غاتلعنك..او ماغاديش للجنة..ونت مازال ماوعيتي حتى انت شكون!

هذي عبارات دارت تراكمات وخلاتك فالكبر ديالك كاترفض المدح..ذيك ضحكتي وتقول الله يخرج هاد الضحك على خير..كاتدير هدف و كاتقرب ليه وتلقاه "بح"..الاستسلام و الخنوع..

هنا كانقول لك..انت خليفة الله في الارض و ستسأل على هاد الخلافة و رسالتك فالحياة..

-واكلن شاربن ناعسن..راه البخوش و عايشها-👊

يعني اشنو الحل

#الاستحقاق الي هو انك مؤهل لاي حاجة ترغب بها و راه هو لا علاقة له بالايجو و التكبر و انك محور الارض و انت الزين والعالم شين.

#الاستحقاق هوتشوف راسك افضل بلا مقارنةمع احد -حمباكم-😊

هو تقول انك تستحق

السعادة

الحب

الوفرة

الصحة

تعيش بسلام

تعيش في جمال

تخلي قناعاتك اقوى

تشوف شي واحد ناجح ..تبارك ليه و تستشعر نجاحه بلا ما تحس بحرمان

ذيك والله يرزقنا زهره👊

واش كاتطلب ربي و لا صاحبك فالدرب👊

ربي ما محتاجناش..فأحسنوا الطلب ..و راه قصص الانبياء فيها معاني كثيرةوقراو صيغ الدعاء كيفاش.

تأدبوا معه ..و اعلموا انه سخر لكم الكون سبحانه

💚

دبا التمارين..

عافاك غاتعطي من 1الى 10 جوانب حياتك:

الروحانيات

الحياة الاجتماعية-السمعة-

العلاقات-زواج،صداقات..-

الصحة

العائلة

الابداع

الخدمة..رسالتك فالحياة..كينونتك!

ابتهاجك

السفر

المعرفة..

الناس الي كايساندوك

الي ما كايهمك فهادشي ماتعطيهش تقييم دبا..

ندوزا للنية

انوي الالتزام

انوي رفع استحقاقي في جميع جوانب حياتي

انوي الاستمتاع

انوي تكون افكاري منسجمةمع #الاستحقاق

انوي ان اكون هناوالان

كل صباح بعد صلاة الفجر و الاذكار جاوب على هاد الاسئلة:

علاش استحق الحب؟

علاس استحق الوصول الى اهدافي؟

علاش استحق الوفرة؟

علاش استحق الخير؟

علاش استحق علاقة قوية مع ربي؟

علاش استحق الثقة بذاتي؟

علاش استحق معرفة رسالتي بالحياة؟

و زد اي سؤال تراه يتماشى مع رغبتك..

ممكن تكون عندك استحقاق عالي فالفلوس ولكن العلاقات عندك تدميرذاتي

فمثلا:

علاش استحق اصدقاءمحبين

علاش استحق شريك حياةمحب

علاش استحق اخوةمحبين

سول راسك بحال شي وليد صغير بغى يعرف كلشي..و لاتقول غاتجاوب بماعرفت👊

هاد الاسئلة التزم بها يوميا ..نقولوا شهر 😉

ندوزا لمواقف الصغر الي برمجة معتقدات خلاتك كاتحقر راسك:

-انوي التحرر..جيب الموقف..استشعره..كتب الموقف..اي حاجةمقلقاك..حسيتي بالبكا ابك عادي

و سالي بالتسامح

هذا تأمل زوين سمع ليع قبل ما تنعس

 جلسة استرخائية للتسامح

 https://soundcloud.com/super_nasser/ezd4escdrg9n

‏

هذا توكيد للدكتور #صلاح_الراشد

أنا نتيجة خالق عظيم ،استحق الافضل دائما 💫💚

بعد ما سالينا سيمنة من تطبيق تمرين #الاستحقاق

الاسئلة الصباحية

التحرر

تأمل التسامح

غانزيدوا:

الاستغفار

مراقبة افكارك

تمرين المرآة

مراقبة افكارك :غالبا كانفكروا فاالي مابغيناش و كانسجوا قصص و افلام و دراما و بها كاتكون ردة فعلنا مامفهوماش حقيقة..غانوقفوها بالتدرج

نراقبوا افكارنا..كل ماجات ذيك ..ماحملت راسي..مال هذاك..علاش ..كن غير درت هاكا بلا هاكا.."اللوم،النقد،الكراهية،الخوف،،،"احبس وفكر فاللي بغيتي

فقط ابغي راسك..كما قلت ماشي الايجو،لا!

ابغي راسك بمعنى دللها..تقبل عيوبك..تقبل روحك..كينونتك

لانه لايعقل انت عايش فدراما وكاتقول كاتبغي راسك

فنراقبوا بدون جلد الذات و الاحكام..حتى مع الاخرين 💫

شويا بشويا غاندربوا اللاوعي يفكر في الي بغينا و يستمتع بتواجده في اللحظة💫

تمرين المرآة:

سؤال..واش عمرك قلتي لراسك كانبغيك..بستي راسك..ضحكتي مع راسك ( =نفسك)؟

*

خذ مرايا و شوف فراسك و قل ،،كنبغيك je t'aime.Ich liebe dich 😉

اسمع لمشاعرك..داخلك..اش كاتقول؟

سمعتي شي حاجة من "الدراما"

رجع تحرر بالكتابة😊

راه اذا ما رفعتي معنوياتك لنفسك..و كرمتيها بالحب..و يقين انك معجزة ربي..

ماتلومش الخارج اذا تعامل معك بسوء!

خلاصة:

الاسئلة الصباحية

الاستغفار

التحرر-التفريغ-

مراقبة الافكار

المرآة

تأمل التسامح

و ندوز معكم ان شالله لمرحلة اعمق في #الاستحقاق 💫